Mark, 69, yn cwblhau 10K Wrecsam ac yn codi £100 ar gyfer Ymchwil Canser Cymru
Mae dyn 69 oed o Wrecsam wedi codi £100 i Ymchwil Canser Cymru drwy gwblhau 10K Wrecsam er cof am ei ddiweddar dad
Daw Mark Goodfellow o'r Mount a bu farw ei dad - Neil, o ganser yr ysgyfaint yn 2011.
Ers diwedd 2024, mae Mark hefyd wedi bod yn gwirfoddoli yn siop Ymchwil Canser Cymru yn Wrecsam, lle mae'n boblogaidd gyda chwsmeriaid a staff.
"Penderfynais gwblhau 10K Wrecsam ar ôl gweld taflen yn y siop – roeddwn i'n arfer cerdded pellteroedd hir llawer yn y gorffennol a dywedais wrthyf fy hun y byddwn i'n rhedeg i lawr y bryniau a cherdded i fyny nhw," meddai Mark.
"Cefais fy noddi gan dipyn o bobl - gan gynnwys cwsmeriaid o'r siop, fy ewythr a'm cefnder a mi wnaeth fy ffrindiau hefyd yn fy noddi yn ogystal â Jamie a Ruth sy'n gweithio gyda mi yn Ymchwil Canser Cymru."
"Roeddwn i'n teimlo'n falch iawn o'r hyn roeddwn i wedi'i wneud, ac fe ges i fedal, felly nawr gallaf ddweud 'Rydw i wedi cyflawnni hynny'. Roedd yn deimlad gwych, ac roeddwn i'n synnu fy hun fy mod i'n gallu ei wneud. Gallwn fod wedi mynd ymhellach, ond dwi ddim yn meddwl y byddwn i'n hoffi gwneud Marathon Llundain, sy'n 26 milltir", chwarddodd Mark.
Wrth siarad am ei rôl wirfoddoli, dywedodd Mark: "Rwy'n mwynhau gwirfoddoli yn Ymchwil Canser Cymru ac mae'n lle cyfeillgar iawn. Mae pobl yn aml yn dod i siarad â mi yn y siop am eu profiadau gyda chanser ac rwy'n ceisio cynnig clust i wrando a help iddyn nhw pan allaf."
Ymchwil Canser Cymru yw'r unig elusen sy'n ymroddedig yn llwyr i ariannu ymchwil i ganser yng Nghymru.
Agorodd ei siop yn Wrecsam ar 11 Mai 2024 ac mae'n gwerthu amrywiaeth o nwyddau gan gynnwys dillad, ategolion a nwyddau cartref sydd wedi'u caru ymlaen llaw ac mae cyfleoedd i wirfoddoli yno hefyd.
Jamie Roberts yw rheolwr siop Ymchwil Canser Cymru a dywedodd ei fod ef a'i dîm yn falch iawn o Mark.
"Rydyn ni i gyd yn falch iawn o Mark am yr hyn rydyn ni wedi'i gyflawni trwy gwblhau 10K Wrecsam a chodi arian gwerthfawr i gefnogi ein gwaith.
"Mae Mark yn boblogaidd iawn gyda phawb yn siop Ymchwil Canser Cymru - o'r cwsmeriaid, y staff a'n gwirfoddolwyr eraill - rydyn ni i gyd yn hoffi Mark" ychwanegodd Jamie.